P*aldis Ljónshjarta

vá.. jeg fjékk svo falleg orð.. frá henni Sigrúnu Ósk..
..að mig langaði að setja þau hingað inn..
- Leikurinn góði.. 1. þar sem hún segir e'ð handahófskennt til mín -

Aldís er ævintýrakona. Blanda af Línu langsokki, Ronju ræningjadóttur og Jónatani Ljónshjarta. Er allt í einu að fatta að öll þessi ævintýri eru eftir Astrid Lindgren. Ef Astrid hefði hitt Aldísi hefði hún pottþétt skrifað bók um hana! Eftirtalið á hún helst sameiginlegt með þessum karakterum:

Línu langsokk: Þegar Aldís eldaði á Leifsgötunni gat maður allt eins átt von á því að finna pönnukökur í loftinu og síróp inní eldavélinni! En maturinn var alltaf ROSALEGA góður. Og súkkulaðikakan… mmm… best blaut, hehe. Svo stendur hún á höndum eftir pöntun og leikur aðrar fimleikalistir inná stofugólfi.

Ronju ræningjadóttur: Aldísi er meinilla við reglur eins og sannast best á appelsínugulu þrumunni í eigu tilvonandi barnsföður hennar. Hehe, segi ekki meir! Já, og innkaupakarfan maður, hahaha.
Svo klippir hún sig sjálf eins og ekkert sé. Og annað fólk ef það óskar eftir því! Algjört aukaatriði að vera búin að læra klippilist. Svo saumar hún rauða sauma í gallabuxurnar sínar og spreyjar leðurstígvélin sín með gullspreyi ef henni dettur það í hug.
Hún er líka með grallaralegasta bros í heimi (eins og Ronja) og hlær líka eins og ræningjadóttir.

Jónatani ljónshjarta: Aldís þorir öllu. Og ég meina ÖLLU. Hún er týpan sem myndi fara á flakk frammi á gangi um miðja nótt með kerti í þunnum náttkjól ef hún heyrði skrítin hljóð, eins og í hryllingsmyndunum. Aldís manstu á Leifs þegar við heyrðum hljóðin? Ég lá grátandi undir sæng meðan Aldís sprellaði sér upp á óupplýst háaloft með gemsann sinn að vopni (var með vasaljósi sko) og kom niður með NORN sem hún náði í uppá lofti! Og ekki má gleyma fyrsta djammkvöldinu okkar þar sem ég stóð titrandi af hræðslu á nærbuxunum í eins metra hæð og stökk ekki fram af fyrr en Gokart tók mig í fangið! Þá var ljónshjartað búin að stökkva sjö sinnum fram af tíu metrunum án þess að blása úr nös… JÆKS! ÓTRÚLEG!

Þrátt fyrir almennan töffaraskap og Ronjulæti getur Aldís verið ótrúlega kvenleg. Spilar á fiðlu og syngur eins og engill (líka í stigaganginum upp í stúdíóið hjá Steen Evald). Hún er líka eina konan sem kemst upp með að mæta í brjáluðum pallíettukjól á ball á Breiðinni!

Síðast en ekki síst er Aldís hæfileikaríkasti ljósmyndari Íslands í dag – bíðiði bara! Ég er að segja ykkur það!

..jeg bara trúi því ekki sjálf að jeg sjé svona ævintýraleg.. hehe
Lína Langsokkur - Ronja Ræningjadóttir - Jónatan Ljónshjarta
Þetta er bara bezta blanda í heimi! ;)
-Takk kærlega fyrir mig-